រក្សាវត្ថុកែច្នៃឡើងវិញរបស់អ្នកឲ្យនៅដាច់ពីគ្នា ហើយកុំដាក់នៅក្នុងថង់
ដោយគ្រាន់តែធ្វើសកម្មភាពតូចតាចប៉ុណ្ណោះដើម្បីធ្វើឲ្យមានឥទ្ធិពលដ៏ធំដល់បរិស្ថាន
ដោយគ្រាន់តែដាក់វត្ថុកែច្នៃឡើងវិញរបស់អ្នកក្នុងធុងដាច់ពីគ្នា ហើយមិនដាក់នៅក្នុងថង់ប្លាស្ទិក អ្នកនឹងធ្វើឲ្យកាន់តែងាយស្រួលដល់សាលាសង្កាតរបស់អ្នកក្នុងការប្រមូល និងដំណើរការកែច្នៃឡើងវិញ។ សកម្មភាពតូចតាចនេះនឹងជួយធានាថា៖
- វត្ថុកាន់តែច្រើនអាចត្រូវបានបង្កើតទៅជាផលិតផលថ្មីៗ (ដូចជាផ្លូវថ្នល់ ក្រឡកែវ និងកៅអីតាមឧទ្យាន)
- ធនធានមានតម្លៃផ្សេងៗនឹងមិនបញ្ចប់ដោយខ្ជះខ្ជាយក្នុងទីលានចាក់សម្រាមឡើយ
- ផលប៉ះពាល់បរិស្ថានពីការប្រើប្រាស់វត្ថុធាតុដើមថ្មី ឬវត្ថុធាតុដើមផ្សេងៗត្រូវបានកាត់បន្ថយ។
មូលហេតុដែលវាមានសារសំខាន់
បច្ចុប្បន្ន ពលរដ្ឋវិចថូរៀ 16% ដាក់វត្ថុកែច្នៃឡើងវិញរបស់ពួកគេក្នុងថង់ប្លាស្ទិច ដែលធ្វើឲ្យវាក្លាយជាសារធាតុកខ្វក់យ៉ាងសម្បើមនៅក្នុងធុងវត្ថុកែច្នៃឡើងវិញតាមផ្ទះ (Sustainability Victoria ការស្រាវជ្រាវជាមូលដ្ឋានពីយុទ្ធនាការកែច្នៃឡើងវិញរដ្ឋវិចថូរៀ ខែកក្កដា ឆ្នាំ2021)។
ភាពកខ្វក់កើតមានឡើងនៅពេលវត្ថុមិនអាចកែច្នៃឡើងវិញ ត្រូវបានដាក់នៅក្នុងធុងវត្ថុកែច្នៃឡើងវិញ។ វត្ថុមិនអាចកែច្នៃទាំងនេះអាចរារាំងវត្ថុកែច្នៃឡើងវិញពីការដំណើរការទៅជាផលិតផលថ្មីៗ។ ភាពកខ្វក់អាចធ្វើឲ្យវត្ថុអាចកែច្នៃឡើងវិញមួយឡានពេញ ត្រូវបានចាក់ចោលនៅទីលានចាក់សម្រាម។
វត្ថុកែច្នៃឡើងវិញនៅក្នុងថង់ប្លាស្ទិច មិនអាចតម្រៀបទៅតាមប្រភេទនៅរោងចក្រកែច្នៃឡើងវិញបានទេ ពីព្រោះ ៖
- ថង់ប្លាស្ទិចអាចគាំងជាប់នៅក្នុងម៉ាស៊ីន និងធ្វើឲ្យខូចម៉ាស៊ីន
- វាបង្កហានិភ័យសុវត្ថិភាពដល់បុគ្គលិកដែលតម្រៀបវត្ថុកែច្នៃឡើងវិញទៅតាមប្រភេទ ពីព្រោះមើលមិនឃើញវត្ថុនៅក្នុងថង់ ហើយអាចមានវត្ថុមុតស្រួច។
ការផ្លាស់ប្តូរវត្ថុកែច្នៃឡើងវិញរបស់អ្នក
បច្ចេកវិទ្យាកែច្នៃឡើងវិញមានការវិវត្តន៍ច្រើន ប៉ុន្មានឆ្នាំចុងក្រោយនេះ។ ការញែកវត្ថុកែច្នៃឡើងវិញបានត្រឹមត្រូវ វត្ថុកែច្នៃប្រើប្រាស់ឡើងវិញរបស់អ្នកអាចផ្លាស់ប្តូរពី៖
- ដបកែវឲ្យក្លាយជាទ្រនាប់ផ្លូវថ្នល់
- ដបប្លាស្ទិចទឹកដោះគោ និងសាប៊ូកក់សក់ ឲ្យក្លាយជាថូដាំកូនឈើ និងតុអង្គុយលំហែរ
- ក្រដាស និងក្រដាសក្រាសរឹង ឲ្យក្លាយជាផ្ទាំងម្នាងសិលាសម្រាប់ការសាងសង់។
ដំបូន្មាន និងល្បិច
ប្រមូលវត្ថុកែច្នៃឡើងវិញរបស់អ្នកនៅក្នុងកញ្ច្រែង ធុងប្លាស្ទិច ឬប្រអប់ក្រដាសក្រាសរឹង
ពេលកញ្រែ្ចងអ្នកពេញ ផ្ទេរចូលក្នុងធុងវត្ថុកែច្នៃឡើងវិញតាមផ្ទះ ដូចនេះវត្ថុទាំងអស់អាចនៅដាច់ដោយឡែកពីគ្នា។
កាត់បន្ថយក្លិនក្នុងធុង
លាងជម្រះ និងកោសសម្អាតម្ហូបអាហារ ឬវត្ថុរាវពីប្រអប់ ឬកំប៉ុងអាចការពារក្លិន និងធ្វើឲ្យធុងវត្ថុកែច្នៃឡើងវិញរបស់អ្នកស្អាត។ បន្ទាប់មក អ្នកមិនចាំបាច់ប្រើថង់ដើម្បីដាក់វត្ថុកែច្នៃឡើងវិញរបស់អ្នកទេ។
ពិនិត្យបញ្ជាក់ជាមួយសាលាសង្កាត់របស់អ្នក ថាតើអ្វីខ្លះអាចដាក់ចូលក្នុងធុងវត្ថុកែច្នៃឡើងវិញរបស់អ្នក
សេវាកម្មកាកសំណល់ និងកែច្នៃឡើងវិញអាចផ្លាស់ប្តូរ និងខុសគ្នាពីសាលាសង្កាត់ទៅមួយទៀត ដូចនេះការដឹងយល់ពីអ្វីដែលសាលាសង្កាត់អ្នកអាចទទួលយកមានសារៈសំខាន់ណាស់។ ចុច ទីនេះ សម្រាប់ព័ត៌មានជាភាសាអង់គ្លេសដើម្បីជួយអ្នកស្វែងរកដំបូន្មានស្តីពីកាកសំណល់ និងការកែច្នៃឡើងវិញរបស់សាលាសង្កាត់អ្នក។
វត្ថុមួយចំនួនអាចកែច្នៃឡើងវិញបាន គ្រាន់តែវាមិននៅក្នុងធុងរបស់អ្នក
វត្ថុជាច្រើននៅតែអាចកែច្នៃឡើងវិញបាន ទោះបីជាវាមិនអាចដាក់ក្នុងធុងវត្ថុកែច្នៃឡើងវិញរបស់អ្នកក្តី។ ឧទាហរណ៍ ថ្មឬអាគុយមិនអាចដាក់ចូលទៅក្នុងធុងវត្ថុកែច្នៃឡើងវិញ ឬធុងសម្រាមតាមផ្ទះបានទេ ប៉ុន្តែអាចត្រូវបានកែច្នៃឡើងវិញដោយគ្រាន់តែយកវាទៅកន្លែងទទួលយកវត្ថុកែច្នៃឡើងវិញដូចជានៅបណ្ណាល័យក្នុងតំបន់ តាមផ្សារទំនើប ឬនៅ Officeworks ប៉ុណ្ណោះ។
វត្ថុពុលខ្លាំងដូចជាសារធាតុគីមី មិនត្រូវដាក់ក្នុងធុងសម្រាម ឬចាក់ចូលនៅក្នុងលូទឹកទេ។
សូមមើលគេហទំព័រសាលាសង្កាត់របស់អ្នកដើម្បីស្វែងយល់អំពីការបោះចោលវត្ថុប្រើប្រាស់តាមផ្ទះដែលមានជាតិពុល និងកន្លែងដែលអ្នកអាចយក ឬផ្ញើវត្ថុដែលអ្នកមិនអាចដាក់ចូលក្នុងធុងវត្ថុកែច្នៃឡើងវិញ ឬធុងសម្រាមរបស់អ្នក។
-
សួស្តីលោក អ្នក នាង កញ្ញា
ពេលអ្នកដាក់វត្ថុកែច្នៃឡើងវិញរបស់អ្នកទៅក្នុងធុងដោយមិនវេចខ្ចប់ក្នុងថង់ប្លាស្ទិក
អ្នកជួយឱ្យគេអាចផលិតរបស់ថ្មីៗ មានដូចជា បង់អង្គុយនៅតាមឧទ្យាននានា។
សកម្មភាពតិចតួចរបស់អ្នកជះឥទ្ធិពលយ៉ាងធំធេង។