សកម្មភាពតូចតាចធ្វើឲ្យមានឥទ្ធិពលយ៉ាងធំ

សកម្មភាពតូចតាចដូចជាការដាក់វត្ថុត្រឹមត្រូវក្នុងធុងត្រឹមត្រូវ និងការចងចាំយកវត្ថុប្រើប្រាស់ឡើងវិញបានតាមខ្លួនដូចជាដបទឹកប្រើឡើងវិញ មានឥទ្ធិពលយ៉ាងធំដល់អនាគតប្រកបដោយនិរន្តរភាពនៅរដ្ឋវិចថូរៀ។

ពលរដ្ឋវិចថូរៀគ្រប់រូបមានតួនាទីយ៉ាងសំខាន់ក្នុងការបង្កើតបរិស្ថានមួយប្រកបដោយសុខភាពល្អ។

បន្តអានដើម្បីស្វែងយល់បន្ថែមទៀតអំពីសកម្មភាពតូចតាចដែលអ្នកអាចធ្វើបានដើម្បីធ្វើឲ្យមានឥទ្ធិពលយ៉ាងធំដល់បរិស្ថាន និងសហគមន៍របស់យើង។

ទូតសហគមន៍កំពុងធ្វើឲ្យមានផលវិជ្ជមានយ៉ាងធំធេង

ពិនិត្យមើលថាតើពលរដ្ឋនៅក្នុងសហគមន៍របស់អ្នកកំពុងធ្វើអ្វីខ្លះដើម្បីគាំទ្រដល់ទម្លាប់វិជ្ជមានក្នុងការកាត់បន្ថយកាកសំណល់ និងកែច្នៃប្រើប្រាស់ឡើងវិញកាន់តែច្រើន។

សូមចុចទីនេះដើម្បីទទួលបានចំណាប់អារម្មណ៍។

ចូរដាក់កាកសំណល់អាហារទៅក្នុងធុង FOGO របស់អ្នក (ធុងគម្របពណ៌បៃតងខ្ចី)

ពេលអ្នកដាក់កាកសំណល់អាហារ និងកំណាត់មែកឈើពីសួនច្បារទៅក្នុងធុង FOGO របស់អ្នក វានឹងត្រូវបានកែច្នៃឡើងវិញទៅជាជីកំប៉ុស្ត ជីធម្មជាតិ ដែលគេប្រើប្រាស់នៅតាមកសិដ្ឋានដើម្បីជួយដាំដំណាំអាហារម្តងទៀត។

ស្វែងយល់ពីអត្ថប្រយោជន៍នៃការកែច្នៃកាកសំណល់អាហារឡើងវិញបានត្រឹមត្រូវ។

ការកែច្នៃឡើងវិញកំពុងផ្លាស់ប្តូរឲ្យកាន់តែប្រសើរឡើង

សេវាកម្ម និងរោងចក្រកាកសំណល់ និងកែច្នៃឡើងវិញតាមផ្ទះកំពុងកែលម្អនៅទូទាំងរដ្ឋ។ ពួកគេនឹងស្តារឡើងវិញនូវវត្ថុកាន់តែច្រើនជាងមុន ដើម្បីផលិតវត្ថុកែច្នៃឡើងវិញរបស់អ្នកទៅជាផលិតផលថ្មីៗនៅទីនេះតែម្តងក្នុងរដ្ឋវិចថូរៀ។

សូមចុចត្រង់នេះ ដើម្បីស្វែងយល់ពីសេវាកម្មកាកសំណល់ និងកែច្នៃឡើងវិញថ្មី

សូមរក្សាវត្ថុកែច្នៃឡើងវិញរបស់អ្នកឲ្យនៅដាច់ពីគ្នា

ការដាក់វត្ថុកែច្នៃឡើងវិញរបស់អ្នកក្នុងធុងនៅដាច់ពីគ្នា ហើយមិនដាក់នៅក្នុងថង់ប្លាស្ទិកមានន័យថាវត្ថុកែច្នៃឡើងវិញរបស់អ្នកត្រូវបានគេប្រមូល និងកែច្នៃកាន់តែមានប្រសិទ្ធភាព និងអាចផលិតជាវត្ថុថ្មីៗដូចជាផ្លូវដើរ និងថ្លូវថ្នល់ជាដើម។

សូមចុចត្រង់នេះដើម្បីអានពីអត្ថប្រយោជន៍នៃវត្ថុកែច្នៃឡើងវិញនៅដាច់ពីគ្នា

គន្លឹះបន្ថែមដើម្បីកាត់បន្ថយកាកសំណល់ និងកែច្នៃឡើងវិញកាន់តែច្រើន

ដឹងពីសកម្មភាពសាមញ្ញចំនួន 5 ដែលអ្នកអាចធ្វើបានដើម្បីជួយកាត់បន្ថយកាកសំណល់ កែច្នៃឡើងវិញកាន់តែច្រើន និងធ្វើឲ្យមានឥទ្ធិពលវិជ្ជមានដល់បរិស្ថានរបស់យើង។

សូមចុចត្រង់នេះ ដើម្បីធ្វើឲ្យមានឥទ្ធិពលយ៉ាងធំដោយសកម្មភាពតូចតាចទាំងនេះ

ប្រព័ន្ធគ្រប់គ្រងកាកសំណល់ និងកែច្នៃឡើងវិញកំពុងកែលម្អនៅរដ្ឋវិចថូរៀ

រដ្ឋាភិបាលរដ្ឋវិចថូរៀបានវិនិយោគជាង 515 លានដុល្លារដើម្បីធ្វើការផ្លាស់ប្តូរ និងកែទម្រង់ឧស្សាហកម្មកាកសំណល់ និងកែច្នៃឡើងវិញរបស់រដ្ឋវិចថូរៀ។ នេះរួមទាំងការវិនិយោគ 380 លានដុល្លារដើម្បីអនុវត្តគោលនយោបាយសេដ្ឋកិច្ចប្រកបដោយនិរន្តរភាព ដែលនឹងកាត់បន្ថយកាកសំណល់ បង្កើតការងារកាន់តែច្រើន និងបង្កើតប្រព័ន្ធកែច្នៃឡើងវិញដែលពលរដ្ឋវិចថូរៀអាចពឹងផ្អែកបាន។ អ្នកអាចអានអំពីការកែច្នៃឡើងវិញនៅរដ្ឋវិចថូរៀ៖ គោលនយោបាយសេដ្ឋកិច្ចថ្មីជាភាសាអង់គ្លេសដោយចុចនៅ ទីនេះ។

Hide transcript Show transcript

ប៉ុន្មានឆ្នាំខាងមុខនេះ យើងនឹងដាក់ឱ្យអនុវត្តសេវាកម្មកែច្នៃប្រើប្រាស់ឡើងវិញ

និងរោងចក្រទ្រទ្រង់ការកែច្នៃថ្មីៗ ដើម្បីឱ្យយើងអាចកែច្នៃប្រើប្រាស់ឡើងវិញកាន់តែច្រើន

ពេលអ្នកដាក់វត្ថុកែច្នៃឡើងវិញបានត្រឹមត្រូវ

គឺអ្នកជួយឱ្យគេអាចផលិតបានរបស់ប្រើប្រាស់ថ្មីៗ

សកម្មភាពតិចតួចរបស់អ្នកជះឥទ្ធិពលដ៏ធំធេង